وەك نەریتێكی ساڵانەو لە درێژەی چالاكییەكانی خۆیدا، بەڕێوەبەرایەتی گشتی و رۆشنبیری- بەڕێوەبەرایەتی شانۆی هەولێر یادی رۆژی جیهانی شانۆ بەرز رادەگرێ.
سەبارەت بەم یادكردنەوەیە هیوا سوعاد بەڕێوەبەری بەڕێوەبەرایەتی شانۆی هەولێر لە لێدوانێكی تایبەتدا گوتی" بۆ بەرزراگرتنی رۆژی جیهانی شانۆ بەڕێوەبەرایەتییەكەمان چەند چالاكییەك ئەنجام دەداو ئەم رۆژە بەرزو پیرۆز رادەگرێ".
هیوا سوعاد زیاتر دواو گوتی"سەرلەبەیانی رۆژی یەكشەممە لە هۆڵی بەڕێوەبەرایەتی شانۆی هەولێر مەراسیمێكی رێزلێنان بۆ چەند هونەرمەندێك سازدەكەین و پاشانیش شانۆگەری ئێوارەیەك لە دەرهێنانی كۆسرەت عەبدولرەحمان كە بەرهەمی تیپی شانۆی تیشكە نمایش دەكرێ".
هیوا سوعاد ئاماژەشی بەوەدا، كە هەر لە درێژەی چالاكییەكانی ئەو رۆژەدا لە پەیمانگای هونەرەجوانەكانی هەولێر چەند كارێكی شانۆیی نمایش دەكەن و دواتریش لە بەرهەمی بەڕێوەبەرایەتییەكەیان شانۆگەری گۆرانی چایكا لە دەرهێنانی فریاد ئەحمەد نمایش دەكەن.
شایانی باسە ئەم چالاكییانەی رۆژی جیهانی شانۆ ماوەی دوو رۆژ بەردەوام دەبێ.
مەسعودی مەلا هەمزە / ماڵپهری بۆنهکان
بۆ بڵاوکردنهوهی ئهم بابهته :
