لەمیانی سازكردنی دووەمین فێستیڤاڵی لاوی سەنتەری رۆشنبیری ئاسوودە رۆژنامەنووسی بواری هونەری و سەرۆكی دەزگای كەڤاڵ "مەسعودی مەلا هەمزە" خەڵاتی داهێنەری پەرتووكی 2011ی بە كتێبی بیۆگرافیای هونەرمەندانی هەولێر پێ بەخشرا.
لەمیانی چالاكییەكانی سەنتەری ئاسوودەو كاتژمێر 2,30ی رۆژی یەكشەممە 15/1/2012 لە هۆڵی كتێبخانەی گشتی هەولێر- زەیتون سەنتەری دووەمین فێستیڤاڵی گەنجی ساڵی سازكردو لەو فێستیڤاڵە 25 گەنجی چالاكی ساڵی 2011 لە بوارە جیاجیاكان خەڵاتكران.
لەبواری داهێنەری پەرتووك و لەپای كاركردن و بڵاوكردنەوەی كتێبی بیۆگرافیای هونەرمەندانی هەولێر سەنتەری ئاسوودە خەڵاتی بەخشیە مەسعودی مەلا هەمزە، لەبارەی ئەو خەڵاتكردنەوە مەسعودی مەلا هەمزە گوتی"بۆمن مایەی خۆشحاڵیە كە دوای ماندووبوونێكی زۆر و كاركردنێكی زۆر لە كتێبی بیۆگرافیای هونەرمەندانی هەولێر بوومە خاوەنی خەڵاتی داهێنەری ساڵ لەبواری پەرتووك".
مەسعود گوتیشی"جێگای خۆشحاڵیە ئێستا خەڵكانێك بەرپرسانە مامەڵە دەكەن و رێز لە ماندووبوون و شەونخونی گەنجان و لاوانی بوارە جیاجیاكان دەگرن".
ستاف و بەڕێوەبەرایەتی ماڵپەری بۆنەکان وێڕای پیرۆزباییەکی گەرم بۆ کاکە مەسعودی برای ئازیزمان بەبۆنەی وەرگرتنی خەڵاتی داهێنەری پەرتووكی 2011 ، کەجێگەی دەستی لەماڵپەری بۆنەکان دیارە کە خۆبەخشانە ڕۆماڵی هەواڵە هونەرییەکان دەکات ، هیوای سەرکەوتنی زیاتری بۆ دەخوازین و دەستی مانووبوونی دەگوشین
بۆنەکان
2012-01-16
20:05:58
بۆ بڵاوکردنهوهی ئهم بابهته :
