هەردو یاریزان یونس مەحمود و عیماد محەمەد بەشێوەیەكی فەرمی وازهێنانی خۆیان لەیاریكردن بەدرێسی هەڵبژاردەی عێراقەوە راگەیاندو ئەوەی یەكەمیان بەهۆی توڕەبونەوەیەو عیماد محەمەدیش بەهۆی كێشەی شارەی كاپتنیەوەیە.
لەلێدوانێكیدا یونس مەحمود كاپتنی هەڵبژاردەی عێراق دوپاتیكردەوە كە دوای كۆتایی هاتنی پاڵاوتنەكانی وڵاتانی ئاسیا بۆ مۆندیالی 2014ی بەرازیل واز لەیاریكردن دێنێت و چیتر بەدرێسی هەڵبژاردەكەوە نابینرێت.
یونس وتی: دوای پاڵاوتنەكانی وڵاتانی ئاسیا بۆ مۆندیالی 2014 واز لەیاریكردن دێنم و لەبڕیارەكەشم پەشیمان نابمەوە گەر هەڵبژاردەی عێراق سەربكەوێت بۆ مۆندیال یان نا.
لەلایەكی ترەوە بەهەمانشێوە عیماد محەمەدیش وازهێنانی خۆی لەیاریكردن بەدرێسی هەڵبژاردەی عێراقەوە راگەیاندو باس لەوەدەكات كە كێشەی لەگەڵ یونس مەحموددا هەبوە.
عیماد دەڵێت: كێشەی من ئەوە نییە كە نەبومەتە كاپتنی هەڵبژاردەكە، بەڵكو لەگەڵ خودی یونس مەحمودا كێشەم هەیە ئەویش لەبەرئەوەی زیاد لەپێویست لەڕٍیزی هەڵبژاردەی عێراقدا سەربەستی دراوەتێ و كەسیش نازانێت بۆچی ئەو سەربەستییەی پێدراوە.
وتیشی: نابێت جیاوازی بكرێت لەنێوان یاریزانەكانی هەڵبژاردەی عێراقدا و پێویستە هەمویان وەك یەك سەیر بكرێت
سهرچاوه - NRT
بۆ بڵاوکردنهوهی ئهم بابهته :
